ومن الطب ما قتل.....

سمعنا ان من الحب ما قتل لكن من الطب ما قتل؟ازاى؟

اقولكم,هى ظاهرة يمكن كلنا اخدنا بالنا منها وابتدت تبقى ظاهرة وهى المستشفيات الاستثماريه اللى بقت موجوده حالياً فى كل مكان حولنا والتى تأسست اصلاً لسبب مادى وطبقى معاً واللى بتعتمد على مبدأ اللى ممعهوش ميلازموش

لما تبقى دكتور ووظيفتك الاساسيه هى انقاذ انسان من الموت وتكون انت امل الانسان ده الوحيد بعد امله فى ربنا

بعاً ويجيلك المريض والمرض مقيده ويكون الرد ادفع قبل ما تدخل تأمين او مبلغ تحت الحساب يبقى ده شئ مادى خالى من الانسانيه افرض انه فقير وفقره هو املوش ذنب فيه ومريض ومرضه خطير وبرضه مالوش ذنب فيهوانت تيجى بكل سهوله وتخيره بين انك تنقذه وانه يدفعلك مبلغ هو ما اتحكمش عليه اصلاً قبل مرضه فما بالك بعد مرضه,يبقى فين ضميرك كطبيب او كأنسان  فين رحمه قلبك بأخوك الانسان اللى مش كفايه تعبه ومرضه وفقره الا انه كمان بتألمه بطلبك مبلغ قصاد حياته.طبعا الاعمار بيد الله فى كل الاحوال لكن لازم ناخد بالاسبابولازم كمان نعرف ان فيه ناس كتير كانت حالاتهم طارئه وعشان ممعهمش  شويه ورق بيسموه فلوس مااااااااتوااااا

يعنى دفعوا حياتهم مقابل مبلغ من المال

عشان كده انا بوجه دعوه لكل طبيب انه يحكم ضميره وقلبه وانسانيته وهو بيحكم على واحد انه يروح يشوفله مستشفى تانيه وهو حالته ممكن تبقى خطيرة فى سبيل شويه فلوس

تعليقى:انا ارى ان يخصص فى تلك المستشفيات قسم للعلاج الشامل المجانى ويكون بنفس كفآه جميع الاقسام الباقيه وبما ان تللك الانواع من المستشفيات تعتمد نسبياً على التفكير الطبقى فلن تخسر المستشفى كثيراً عند إقامه هذا القسم المجانى او ليعتبروه من صدقاتهم من زكاتهم والتى من المفترض ان يخرجوها من نقودهم وان يحكم كل طبيب ضميره وانسانيته

ولا تنسى ان الله موجود وحاول تخيل نفسك مكان ذلك البائس الفقير

تحياتى لكم وآسفه على تأخرى عليكم طوال تلك المده واشكر كل من سأل وترك لى بصمته فى مدونتى